| |
|
Hierdie aangeleentheid is so belangrik dat dit weereens duidelik
gestel moet word. Enkele jare gelede is aansoek gedoen om vrystelling
van belasting by die SAID gedoen. Soos ook reeds gemeld, kan 'n donateur
bv. 'n persentasie vrystelling op sy/haar belastingpligtige bedrag
verkry indien 'n donasie aan 'n instansie wat ingevolge Artikel 18a
geregistreer is. Navrae van ons kant het die gevolg gehad dat die SAID
Volkshulp 2000 geregistreer het vir die betaling van belasting. Die
argument dat ons eenvoudig maar net 'n geskenkte item, wat nie dadelik
gratis aan 'n behoeftige persoon gegee kan word nie, wil omskep in 'n
ander kommoditeit (geld), waarmee ander projekte dan gefinansier kan
word, was nie suksesvol nie. Mens kan immers nie 'n sak klere aan iemand
gee om te eet nie. Daar kan ook nie bakstene gekoop word met 'n geskenkte tafel nie,
ten minste, nie maklik nie.
Hierdie situasie het meegebring dat ons verskeie kenners
(rekenmeester, ouditeur, regskenners, ander betroubare finansiële
adviseurs en konsultante) betrek het om na oplossings te help soek. Feit
was dat 'n "swaard" in die vorm van 'n belastingpligtigheid van 'n baie
groot bedrag oor Volkshulp 2000 se kop hang. Oor 'n lang tyd (bykans
twee jaar) is samespreking op samespreking gevoer. Die kenners het nou
soos volg voorgestel:
a. Ons het geen ander keuse as om voort te gaan met die aansoek by die
SAID (Vrystellingskomponent) om belastingvrystelling nie. Dit geld
natuurlik vir die liefdadigheidsbeen. (Volkshulp 2000)
b. Die ander been van die organisasie, naamlik die handeldrywende
gedeelte (Snuffelwinkels) is dan die belastingpligtige entiteit. Die
SAID beskou alle omsette van geskenkte items as "wins" waarop belasting
– en gepaardgaande BTW – betaalbaar is. |
|
Updated June 3, 2008
