Hoogtepunte uit die Jaarverslag 2007 van Volkshulp 2000


	Jaarverslag 2007 (Vir die tydperk 1 Maart 2006 tot 28 Februarie 2007)


	Hoogtepunte vir die jaar

	Reaksie van volksgenote Die Kersfunksie Personeel Reaksie van volksgenote Die toename in maatskaplike en geestelike behoeftigheid, die aanvraag na voedsel, klere, verblyf en werk, bly steeds die mees kritieke faktore. Maar dan, gepaardgaande, die reaksie van volksgenote op oproepe om hulp ten einde hierdie toenemende verarming en behoeftetoename aan te spreek. Benewens kontantbydraes, het vriende van heinde en verre harte en hande oopgemaak. Soveel so dat, in teenstelling waar kontantbydraes en itemskenkings in die verlede naastenby 'n gelykop inkomste verseker het, hierdie verhouding die vorige jaar alreeds radikaal verander het. Die omsetting (te-gelde-making) van itemskenkings na kontant, beloop tans 58.79% van die algehele inkomste van Volkshulp 2000, oftewel, die liefdadigheidsbeen tesame met die handelsbeen. Die handelsbeen nl. die Snuffelwinkels het baie duidelik die lewensaar van Volkshulp 2000 geword. Ons skenkers moet al die eer hiervoor ontvang. Die Kersfunksie Die tweede hoogtepunt is sekerlik weer die Kersfunksie vir minderbevoorregte kindertjies wat gedurende November 2006 by die Pioniersmuseum te Silverton gehou is. Dit was ons tweede geleentheid in Pretoria en ons vertrou dat ons vanjaar veel meer kindertjies sal kan onthaal. Danksy ons personeel en veral ook die opofferende insette van die ATKV (o.a. Talita Fourie), asook die meewerking van die TLU SA, was hierdie funksie sommer 'n groot sukses. Kyk by Kersfunksie vir 'n paar foto's. Personeel Al is daar reeds hierbo melding gemaak van die personeel van Volkshulp 2000, kan dit nie anders as om ook vir 'n ieder en 'n elk in die "hoogtepunt"-kategorie te plaas nie.