|
Die geouditeerde finansiële state word afsonderlik beskikbaar gestel
en is nie in die Voorsittersverslag vervat nie. 'n Verdere samevattende
dokument getiteld "Trial balance" kan voorsien word op aanvraag.
Tye raak al moeiliker. Daarmee word bedoel dat die toenemende
verarming van ons mense meebring dat uitgawes radikaal verhoog.
Gedurende die boekjaar 2005/2006 het ons 'n totale uitgawe van
R1 795 565 gehad. Die afgelope jaar (2006/2007) het die uitgawe tot
R2 075 680 toegeneem, 'n hele R280 115 (15.6%) meer. Wat die inkomste
betref, was daar 'n groei van R18 883 vanaf die vorige jaar se
R1 917 323 na R1 936 206 vir die afgelope boekjaar, 'n vermeerdering van
0.98%. Hierdie is 'n aanduiding van die afname in finansiële bydraes wat
ons ervaar het. Daar moet darem bygevoeg word dat 'n belegging van
R158 173.25 wat op die lopende rekening was, hier in berekening gebring
is.
Bostaande skep 'n donker prentjie. Indien ons vrywillige bydraes nie
radikaal gaan toeneem nie, sal ons hulpverlening ongelukkig ook ingekort
moet word. Daar is reeds met alle bestuurders vergader en sekere
maatreëls in plek gestel. Daar word opreg vertrou dat 'n veel beter
beeld aan die einde van hierdie boekjaar voorgehou sal kan word. Vir 'n
uiteensetting van die verskillende inkomstebronne, is Bylae A beskikbaar
op aanvraag. Die inkomste uit debietorders toon steeds 'n afname en dit
sou goed gewees het indien mens op 'n meer standhoudende inkomste
hieruit kon staatmaak – veral met o.a. meer effektiewe begrotings.
Uitgawes het die afgelope jaar met 17.12% toegeneem. Met 'n
versekerde inkomste begroting kon veel meer aan maatskaplike projekte
spandeer word.
|
Updated June 3, 2008
