|
Baie
dankie aan al ons Samaritane, hulpwerkers en borge!
Dis eenvoudig 'n wonderlike voorreg om aan 'n baie
besondere organisasie soos Volkshulp 2000 verbonde te kan wees en in
minderbevoorregtes se diens te kan staan! En verseker die seën van die
Here te kon ervaar! Ons opregte DANKIE kom ons Hemelse Vader toe vir Sy
krag, leiding, gesondheid en verstand wat Hy ons toebedeel het om nog 'n
jaar se suksesse te kon smaak |
|
| |
|
Ruimte in hierdie verslag ontbreek wanneer ons alle weldoeners wat
gedurende die afgelope jaar hulle kant en veel meer gebring het, wil
bedank. Daar kan voorwaar 'n dik boek geskryf word net oor ons
dankbetuigings. Die goedgunstigheid en ruimhartigheid van
Volkshulpvriende is ongelooflik.
Ons dink tog dis geregverdig (en sonder om vele ander wonderlike
persone en donateurs te benadeel) om opregte dank uit te spreek teenoor
die talle bydraers (finansieel sowel as itemgewys), wat vir Volkshulp
2000 op so 'n onbaatsugtige wyse deur die jaar ondersteun het.
 |
Ons webwerfonderhouers daar in Kanada
(ARK Webontwerp)
verdien 'n spesiale pluimpie vir hulle besondere (kostelose)
instandhouding van die webwerf wat dit moontlik maak om
selfs van dwarsoor die wêreld donateurs te bereik. So
ontvang ons bv. op gereelde basis 'n bydrae in euro (€) (fisiese
geldnoot) vanuit Irak. |
| |
|
 |
Insgelyks het ons goeie Volkshulpvriende in Australië
(Harry en Louise Viljoen), wat kort-kort groot bedrae geld
in ons bankrekening inbetaal. Pragtige ware Christenvriende,
wat nie skroom wanneer dit kom by lofbetuigings teenoor God
Almagtig wat vir hulle so seën en dit vir hulle moontlik
maak om selfs meer as hul "tiende" vir minderbevoorregtes
beskikbaar te stel nie. |
| |
|
 |
Die onontbeerlikheid van
Radio Pretoria as ons
belangrikste bemarkingsmedium kan nie oorbeklemtoon word
nie. Die Bestuur en personeel verdien 'n spesiale veer in
die hoed vir hul toegeneentheid, vriendelikheid en
ondersteuning jeens en vir Volkshulp 2000. Sonder Radio
Pretoria sou Volkshulp 2000 verseker nie maklik kon
voortbestaan nie. |
| |
|
 |
Dan is daar die hulp en bystand van 'n groot getal
Kerkgemeentes en individuele gemeentelede wat vermelding en
opregte waardering verdien. Miskien net so een uitsondering,
naamlik die Kerkraad en gemeente van die APK Moot-Sentraal.
'n Spesiale pluimpie vir hul gereelde bydraes (bakkies vol
kruideniersware, kos en ander items) en ook hul gratis
beskikbaarstelling van die kerksaal vir ons vergaderings.
|
| |
|
- 'n GROOT dankie aan ons personeel
'n Realiteit wat hierbo al vermeld kon gewees het, is dat geen
organisasie of besigheid kan bestaan of suksesse kon behaal sonder sy
personeel nie. Dis hulle wat met eerlikheid, opregtheid, geesdrif en
verantwoordelikheid die spreekwoordelike wiele aan die rol hou. Ons
besef terdeë dat personeellede (sommiges veel meer as ander) nie teen
markverwante salarisse werk nie en dikwels met uiterste frustrasies te
kampe het. Dis egter net aan hulle te danke dat Volkshulp 2000 steeds
kan groei en inderdaad spreekwoordelik uit sy nate bars. Aan 'n ieder en
'n elk wat 'n bydrae gemaak het tot Volkshulp se groei oor die afgelope
jaar, bring ons ons opregte dank en waardering. Sonder hierdie
uitsonderlike personeel sou ons nooit enige suksesse kon behaal nie. |
|
Updated June 3, 2008
